Ámbitos
Mediación civil
Comunidades de propietarios, arrendamentos, obras e reformas, reclamacións de cantidade e desacordos entre socios ou entre fincas veciñas. Desde abril de 2025 a lei esixe acreditar o intento dun medio axeitado de solución de controversias antes de presentar unha demanda civil.
Mediación familiar
Rupturas de parella, organización do coidado de persoas maiores e desacordos entre irmáns por unha herdanza. En liña, para toda España.
Mediación escolar
Formación do profesorado e acompañamento a centros de Educación Primaria da provincia de Pontevedra que queiran poñer en marcha a mediación entre iguais. É tamén o obxecto da liña de investigación en curso.
Que é a mediación
Un procedemento voluntario e confidencial no que dúas persoas buscan un acordo coa axuda dunha terceira persoa imparcial, que conduce a conversa sen xulgar o asunto nin impoñer unha solución. Deciden as persoas implicadas, non o mediador.
O que fai o mediador
- Ordena a conversa e reparte a quenda de palabra.
- Separa as posicións de partida do que cada persoa necesita.
- Axuda a que as propostas saian de quen participa.
- Redacta o acordo e levanta a acta final.
O que non fai
- Decidir quen ten razón.
- Asesorar xuridicamente a ninguén.
- Substituír o avogado nin un tratamento psicolóxico.
- Prometer un acordo nin un prazo para alcanzalo.
Como comeza
- 01
Primeiro contacto
Na mensaxe abonda con indicar por escrito o motivo. Non fai falta describir o conflito nin achegar documentación.
- 02
A sesión inicial
Serve para analizar a fondo o asunto, ver se é mediable e explicar como funcionaría.
- 03
A decisión
Coas condicións e o custo enriba da mesa, cada persoa decide se segue adiante.
Desde onde se traballa
A maioría dos mediadores chega desde o dereito ou desde a psicoloxía. Aquí a formación de orixe é a docencia, e o traballo con nenas, nenos e adolescentes é anterior á formación como mediador.
- Créditos ECTS entre grao e mestrado
- 300
- Anos de intervención con infancia e adolescencia
- 3
A miña formación habilitante é o curso de mediación civil, familiar, mercantil e comunitaria da UNED, que cumpre os requisitos que esixe a lei. Antes cursei o grao en Educación Primaria e o mestrado en Menores en Situación de Desprotección e Conflito Social.
Dúbidas frecuentes
É obrigatorio chegar a un acordo?
Non. Ninguén está obrigado a permanecer no procedemento nin a concluílo con acordo, e retirarse non esixe xustificación.
O que se fale pódese usar despois nun xuízo?
Non. A confidencialidade alcanza a toda a información do procedemento, con dúas únicas excepcións: que as persoas implicadas a dispensen por escrito, ou que o pida un xuíz penal mediante resolución motivada.
Fai falta avogado?
Para mediar, non. Si é recomendable que un avogado revise o acordo antes de asinalo, sobre todo cando hai fillos ou fillas menores de idade, bens ou cantidades polo medio.
Notas recentes
- Que di a investigación sobre a mediación escolar en Primaria
Unha revisión sistemática dos estudos publicados en España entre 2020 e 2026, presentada no XI Congreso Iberoamericano de Justicia Terapéutica.
- Por que os programas de convivencia se apagan no segundo curso
Os programas de mediación escolar rara vez se interrompen por un fracaso. O habitual é que caian por un traslado ou por falta de horas asignadas.
- Onde se concentran os conflitos en Primaria
Os dous estudos publicados en España coinciden en sinalar o patio, e iso ten consecuencias prácticas para calquera programa de convivencia.
Primeiro contacto
Cos centros educativos, o primeiro paso é unha conversa para coñecer o que xa ten feito o centro e se lle interesa a formación do profesorado, o acompañamento ou a intervención nun conflito concreto.
En mediación familiar e civil, o procedemento comeza cunha sesión inicial na que se explican as condicións e cada persoa decide se segue adiante.