Formación
Cursei o Grao en Educación Primaria na Escola Universitaria CEU de Maxisterio, adscrita á Universidade de Vigo, entre 2021 e 2025, e o Mestrado en Menores en Situación de Desprotección e Conflito Social na Universidade de Vigo, que rematei en xullo de 2026. Entre as dúas titulacións suman 300 créditos ECTS.
A miña formación habilitante en mediación é o curso de mediación civil, familiar, mercantil e comunitaria pola UNED, que superei en setembro de 2026. Cumpre os requisitos de formación específica que o artigo 11 da Lei 5/2012 e o Real decreto 980/2013 esixen para exercer.
Experiencia
Máis de tres anos de intervención directa con nenas, nenos e adolescentes en situación de vulnerabilidade, en tres contextos distintos.
- Profesor de reforzo educativo
Asdegal, AVV Cristo da Vitoria (Vigo) · Outubro de 2023 – xuño de 2026
Apoio e seguimento individualizado de nenas, nenos e adolescentes en situación de vulnerabilidade social, nunha contorna de alta diversidade cultural e socioeconómica. Xestión de conflitos de convivencia, mediación entre iguais e coordinación continua coas familias.
- Profesor de apoio en centro residencial
Asdegal, Trinitarias (Vigo) · Marzo – xuño de 2025
Intervención educativa con nenas, nenos e adolescentes en acollemento residencial, con deseño de intervencións individualizadas e seguimento de cada caso.
- Mestre de Educación Primaria, prácticum
CPR Labor · Outubro de 2024 – febreiro de 2025
Acompañamento de alumnado con necesidades específicas de apoio educativo e traballo de aula sobre conflitos e desregulación emocional, xunto ao equipo de orientación.
- Profesor de apoio educativo
CPR Don Bosco · Novembro de 2021 – abril de 2022
Apoio académico e atención individualizada a alumnado con necesidades de apoio.
Investigación
O meu traballo de fin de mestrado foi unha revisión sistemática, conforme ao protocolo PRISMA 2020, sobre a eficacia dos programas de mediación escolar en Educación Primaria en España, dirixido pola Dra. Raquel Vázquez Pérez.
O traballo de fin de grao foi un censo da enfermaría escolar en Galicia: identifiquei e verifiquei un a un vinte e dous centros e vinte e seis profesionais, e publiquei un mapa interactivo que construín en HTML, CSS, JavaScript e Leaflet.
Agora preparo a tese de doutoramento no Programa de Doutoramento en Xestión e Resolución de Conflitos da Universidade de Vigo. Continúa a liña do mestrado: o deseño, a implantación e a avaliación dun programa de mediación escolar en Educación Primaria.
Noutros sitios
Contacto
Se quere expoñerme un caso ou consultar pola formación ou o acompañamento ao seu centro, pode escribirme.